KALIBO, Aklan—Sa uman nga pag-ililiba it mga superstar players nga sanday Stephen Curry, Draymond Green ag Klay Thompson hay mabudlay nga mapierde ro Golden State Warriors sa NBA Finals nga maga-umpisa eon ro Game 1 hin-aga nga adlaw it Biyernes sa San Francisco venue.
Raya ro naging panan-awan it basketball coach nga si Hannie Villaruel.
Suno kana nga maabu eon nga championships nga naagyan ro warriors ko 2015, 2017 ag 2018.
Apang uman sanda nga nagahandum nga maangkon ro NBA championship sa pag-atubang sa Boston Celtics.
Maskin nga manami suno kana ro team work it Celtics apang owa sanda it trio kapareho it warriors kun sa siin si Jayson Tatum ag Jaylen Brown eamang ro masaligan.
Sanday Jordan Poole, Andrew Wiggins ag Jonathan Kuminga suno kana ro ginaeauman nga magadepensa kanday Tatum ag Brown sa kabilugan it NBA final.
Samtang, indi sigon ma-ismol ro Celtics maskin nga underdog sanda sa warriors bangud nga puro bigatin man nga mga koponan ro andang ginbangga sa quarter finals antes nga sumaka sa finals.
