KALIBO, Aklan—Kapin sa sang ektaryang eugta ro naapektuhan sa pihak it pagtinguha it mga firefighters nga matapna ro grass fire sa Sitio Maeamig, Barangay Caticlan sa banwa it Malay, hapon it Martes.
Ginasugid nga ro grassfire hay nagbuhay man it masobra sa 8 oras antes nga gindeklara nga under control , kun sa siin madasig nga nagkalhit ro kaeayo bangud sa mainit nga paniempo.
Suno sa bureau of fire protection ukon BFP-Malay nga owa man it propiyedad ukon pananum nga naapektuhan sa sunog.
Owa it nailistang casualties sa insidente.
Mag-eowas sa BFP, rumesponde man sa lugar ro kapulisan ag Municipal Disaster Risk Reduction and Management Office ukon MDRRMO Malay.
Ginatumod pa it mga awtoridad ro eapad it kahalitan nga gintuga it grassfire.
Ginlaygayan man it BFP ro mga residente nga padayun nga mag-dahan ag mag-report eagi engkaso nga maka-monitor it grassfire nga posibleng halinan it sunog.
