KALIBO, Aklan—Kapin sa 1,400 square meters it kaeaparon it kahilamunan ro gin-eam on it kaeayo sa nag-eontad nga grass fire sa sueod mismo it compound it Aklan State University Ibajay Campus.
Suno kay F01 Kenneth Bon Pama it Ibajay Bureau of Fire Protection Unit, nataeopangdan it instructor it Reserve Officer Training Corps ukon ROTC ro kaeayo nga madasig nga nagkalhit sa mamaea ag eaya nga kahilamunan rason nga insigidang nagpatigayon it bucket relay ro mga estudyante.
Sa pagresponde it mga personnel it Bureau of Fire Protection hay ginkabuliganan nanda nga matapna ro kaeayo agud nga inde eon magkalhit sa iba pang pananom sa lugar.
Angot kara, hugot man ro pagpadumdom ni FO1 Pama sa tanan nga likawan ro pagpilak it anumang bagay nga may baga kaparehas it upos nga sigarilyo bangud sa tuman kainit it panyempo hay posible raya nga maging rason it sunog bangud nga madali duktan it kaeayo ro mga eaya nga dahoon ag hilamunon.
