KALIBO, Aklan — Kaibahan ro anang ka-tandem ag mga konsehal, magadihon it anang certificate of candidacy (COC) si Kalibo mayor Juris Sucro sa ulihing adlaw it filing sa Oktubre 8 agud nga uman nga magpa-ilihir bilang alkalde it banwa .
Suno kay Mark Sy , head it Barangay Affairs it LGU-Kalibo ag nagatindog man nga political officer ni Mayor S0ucro nga kaibahan nga maga-file it alkalde ro anang ka-tandem nga si incumbent Vice Mayor Cynthia dela Cruz ag lima nga magapadaeagan nga mga Sangguniang bayan members nga ginaeakipan nanday dating Kalibo Mayor Engr. Emerson Lachica, incumbent SB members Atty. Kristine dela Cruz, Raymar Rebaldo, Ketchie Luces ag Ronald Marte.
Dugang pa ni Mark Sy nga kinahangean nga matuldukan eon ro mga espekulasyon nga magapadaeagan sa mas mataas nga posisyon si Mayor Sucro.
Antes nga maga-agto sa taeatapan it Comelec Kalibo para sa COC filing, magapatigayon anay it misa ro grupo sa Kalibo Cathedral ag pagkatapos hay makaangkon it press conference.
Raya eon ro magiging ikaywang termino ni Sucro bilang alkalde it Kalibo engkaso nga matabu.
Matunog nga makabangga kara si dating Kalibo mayor William Lachica.
Ro anang grupo hay nagpanumpa sa idaeum it local party nga Tibyog Akean.
