KALIBO, Aklan—Nagakadapat gidman nga ipasa ro laye nga magapabor sa mga mangunguma ag mabuhay eon raya nga ginatinguhaan eabi eon it mga kubos nga kumporme ro ginakita sa andang pagpanguma.
Raya ro naging reaksyon ni Lucia Capaducio, chairperson it grupong Paghugpong sang Mangunguma sa Panay kag Guimaras ukon Pamanggas matapos nga ginpirmahan eon ni Pangueong Ferdinand Marcos Jr., ro New Agrarian Emancipation Act.
Libo-libo suno kana nga mga mangunguma ro makabenepisyo kara ag natyempo eon nga makaangkon it mabakod nga laye ro mga benepisyaryo it eogta.
Sa idaeum it ginpirmahang laye, pagaduea-on eon ro tanan nga owa nabayarang amortisasyon it prinsipal nga utang kun sa siin magapanipueos kara ro masobra sa 600,000 nga agrarian reform beneficiaries nga pagataw-an it 1.173 milyong ektaryang eugta.
Paga akuon it gobyerno ro obligasyon it masobra sa 10,000 ARBs nga nagapanguma it masobra sa 11,000 nga ektaryang eugta nga bayaran ro nabilin nga balanse it direktang kompensasyon nga dapat bayaran para sa mga natungdan nga tag-ana it eugta sa idaeum it Voluntary Land Transfer ukon ro direct Payment Scheme nga nagabalor it masobra sa ₱201 milyon pesos.
Mag-eowas kara, pagaboe-on man ro kondonasyon sa mga mortgage lien sa mga gintau nga eugta ag ro mga ARB hay indi eon pagpabayaron it estate tax.
