BALITANG Espesyal — Bangud sa sobrang pagkatak-an sa unang adlaw sa trabaho, sangka guard sa museum sa Russia ro gin-drowingan it mata ro avant-garde painting nga nagabalor it $988,000 dollars!.
Ko Disyembre 7, 2021, daywang bisita it Boris Yeltsin Presidential Center ro nakataeupangod nga may kakaiba sa painting nga “Three Figures” nga obra it avant-garde artist nga si Anna Leporskaya.
Ro painting hay nagapakita it tatlong imahe it tawo nga owa it itsura apang nakaangkon eon it mata ro daywa sa mga raya.
Matapos i-report ro vandalism sa painting, nagpatigayon it imbestigasyon ro museum ag natukiban nga ro nag-obra kara hay sambilog sa andang gwardiya.
First day sigon sa trabaho it guard ag sa sobrang bored, ginbutangan nana it mata ro painting gamit ro ballpen.
Suno sa tagapaghambae it museum, bukon it grabe ro nahimo nga kahalitan it ballpen rason nga pwedeng i-restore ro painting sa balor nga $3,300 dollars.
Bilang penalidad sa guwardiya, ginpamulta raya it pagkakulong it pilang buean.
