KALIBO, Aklan–Una eon sa establi nga kondisyon ro sangka Spanish man matapos nga masunog sa wildfire ro anang eambong kasunod it paghana nga euwason ro anang nagakasunog nga banwa sa Tabara, Spain.
Suno kay Bombo International Correspondent Maria Edzel Lamparero Lopez nga nagapabilin pa sa ospital ro biktima nga nakilaea kay Arjona, 50-anyos.
Haeos 80 porsyento sigon it eawas ni Arjona ro nasunog matapos nga magsukob sa mabaskog nga kaeayo sakay it digger para tabunan it eugta ro nagakasunog nga banwa.
Sa mayad nga swerte hay madasig imaw nga nadaea sa ospital ag gilayon nga naeapatan it nagakaigo nga medikasyon.
Nasayuran nga sunod-sunod makaron ro nagakatabo nga pagkasunog it kagueangan sa pilang parte it Europa tuga it heatwave ukon grabeng kainit it tyempo.
