KALIBO, Aklan—Medyo balik eun sa normal ro pagpangabuhi it mga pomoeuyo sa Taiwan matapos ro grabe nga pakikipagsukoe kontra sa Coronavirus Disease 2019 ukon COVID-19 pandemic.
Sa pihak kara, ginpahayag ni Bombo International Correspondent Mar-Jun N. Regalado nga padayun sa gihapon ro andang pagsunod sa ginapatuman nga protocol kapareho it pasuksok it face mask ag pagpatuman it physical distancing.
Nasayuran nga ginkilaea it bilog nga kalibutan ro Taiwan bangud naging maayos karang tikang kontra covid-19 pandemic.
Sambilog man sigon sa naging rason sa andang madasig nga pagrekober sa pandemya hay ro maidid nga papatuman it Central Epidemic Control Command sa mga pagsinueondan kun sa siin raya man hay hugot nga ginasunod it mga residente.
Sa makarun hay una eun sanda sa alert level 2.
Bukas eun man ro andang international flights apang strikto eamang ro pagpasueod it mga turista.
