Humampak eon sa masobra P2 bilyon pesos ro halit sa mga pampublikong eskwelahan sa bilog nga nasyon matapos magpanaeasa ro Severe Tropical Storm Kristine kon sa siin nag-aywan pa raya it haeos sang libong pasilidad sa elementarya ag high school nga kinahang-ean ayuson.
Nagaguwa sa datos it Department of Education (DepEd), masobra sa 730 nga eskwelahan ro nasamad bangud sa pagbaha ag masobra sa 34 nga eskwelahan, kaeabanan sa Bicol Region, ro tinamaan it landslide.
863 nga nawasak nga classrooms ro nagakinahang-ean it pagsaayos nga nagabalor it P2.1 bilyon pesos ag 1,026 nga kwarto ro nagakinahang-ean it major repairs nga nagabalor it P513 milyon pesos.
Nawad-an man ro mga eskwelahan it 381,551 it mga materyales sa pagturo kaibahan ro mga computer ag libro kamana man 17,575 school furnitures, kaparehas it mga lamesa, appliances ag pungkuan.
Sa kabilugan, ginpahayag it DepEd nga haeos 43,000 nga mga eskwelahan ag opisina ro na-expose sa bagyo.
Samtang, kapin sa 21.4 milyong estudyante ag haeos 900,000 nga mga manugturo ag trabahante sa eskwelahan ro una sa mga nasambit nga lugar.
