Matuod baea ro talimad-on nga nakaka-anemia ro pagpaligos sa gabi-i.
Suno sa mga eksperto raya hay owa it kamatuoran.
Ro dugo hay may tatlong parte, ro plasma, white blood cells ag red blood cells.
Dapat nga mas maabu ro pueang parte it dugo.
Kon magsangkiri ro pueang parte it dugo, raya hay ginatawag nga anemia.
Ham-an nga nakaangkon it anemia.
Raya hay may nagkaeain-eain nga klase.
Una hay ro anemia tuga it excessive blood loss.
Raya hay ro mga tawo nga may kundisyon kun sa siin ginadugo sanda , apang owa nanda nasayuran.
Raya hay bangud nga sangkiri eamang ro dugo nga nagakaduea nga ginatawag nga occult bleeding nga nagakahueugan nga hidden ukon owa nakikita.
Apang maskin nga sangkiri eang ro dugo nga nagakaduea apang 1 to 3 months nga ginadugo nga dere deretso rason nga nagaresulta sa anemia.
Makibot ka eon lang nga mataeupangdan nga ikaw hay nagapang-eupsi eon, nagapang-euya, nagabuyog ag nagasakit ro ueo kamana man nga naga palpitate.
Raya ro kaeabanan nga naga angkon it ulcer sa tina-i.
Indi eagi makita nga may dugo sa higku kon nagadugo ro ulcer sa tiyan.
Apang kon grabe eon ro bleeding hay medyu dinuguan eon ro higku.
Rason nga ro mga kaeabanan nga mga nakaka experiensiya it hapdi sa tiyan , pirmeng nagatalig-ab, owa it gana nga magkaon ag nabudlayan nga makatueog bangud nga masakit ro tiyan, magpakonsulta eon sa doctor.
Pwede man nga makaangkon it anemia due to blood loss kon ikaw hay may nagadugo nga almoranas ukon hemorrhoids.
Kon maka experiensiya kara it daywang adlaw nga dere deretso , indi magkahuya nga magpakonsulta sa doctor bangud nga indi raya magapundo.
Ikaywa hay ro iron deficiency anemia.
Kinahangean naton it iron agud nga makaobra ro atong eawas it hemoglobin.
Ro hemoglobin hay ro protina nga kinahangean it red blood cells agud nga madaea ro oxygen sa nagkaeain-eain nga parte it eawas.
Ham-an nga ginakuean it iron.
Raya hay bangud nga posibleng kuean ro iron intake.
Bukon it mahilig sa meat, itlog ag mga tinuea ag pwede man bangud sa pagnabdos.
