Uman nga nakapagtala it Guinness World Record ro hardinero nga si Erik Gunstrom ukon mas kilaea bilang “Eggplant Erik” halin sa Pennsylvania, USA, matapos makapabahoe it pinakamabahoe nga taeong sa kalibutan gamit ro Thai Long Green nga variety.
Umabot sa 54.3 sentimetro ro haba it anang taeong, nga haeos doble kumpara sa normal nga 20 tubtob 30 sentimetro nga haba it nasambit nga variety.
Ku Agosto 2025, una nga nakilaea si Gunstrom matapos makapabahoe it pinakamabug-at nga taeong nga nag-abot sa 3.9 kilos.
Pero pag-agi it tatlo eamang nga domingo, nalampasan ro rekord kara it isaea ka eaeaki halin Switzerland nga nakapabahoe it taeong nga may timbang nga 5.078 kilos.
Para mabuoe ro bag-o nga rekord, gumamit si Gunstrom it organic soil amendments, greenhouse cultivation ag masusi nga teknik sa pagtanom.
Gintanom nana ro binhi ku Abril 1 ag gin-alagaan sa greenhouse antes ginhalin sa guwa ku Mayo.
Para kay Gunstrom, bukon eamang ro rekord ro importante kundi pati ro proseso it pagpananom ag ro kalipay sa pag-alaga it mga tanom.
