Sangka personalized cancer treatment nga nagagamit it mRNA technology ro nagpakita it positibong resulta sa late-stage clinical trial, matapos mapanaba ro posibilidad nga bumalik ro melanoma tumors sa mga pasyenteng nagpaidaeom sa operasyon.
Ro treatment nga ginatawag nga intismeran autogene hay ginbilog it US drugmakers company nga nagagamit it parehong messenger RNA ukon mRNA technology nga ginamit sa mga bakuna kontra sa COVID-19.
Kaibahan sa pagtuon ro 1,137 nga pasyente nga nagpaidaeom sa operasyon para dueaon ro andang cancer.
Pila sa mga raya hay andang gintaw-an it intismeran autogene samtang ro nabilin nga mga pasyente hay nagbaton it pembrolizumab.
Raya sigon ro unang kahigayunan nga nagpakita it positibong resulta ro sangka mRNA-based cancer treatment sa sangka late-stage clinical trial.
Gintawag it pilang eksperto nga “breakthrough” ro resulta maskin nga ginhambae nanda nga kinahang-ean pang makit-an ro kumpletong datos it pagtuon antes makahimo it mas klaro nga pag-usisa.
Nagagana ro treatment sa pinaagi it pagbuoe it sample halin sa tumor it pasyente ag pagtumod sa tumaeagsahong genetic mutations ukon “fingerprint”.
Mag-eowas sa melanoma, ginatun-an man ro treatment para sa iba pang klase it cancer, kaibahan ro lung, bladder ag kidney cancer.
