Gindaeagan ni Herlene Budol si Barbie Forteza para magpasaeamat sa ginhimo kara nga pagbulig kana kat madusmo imaw sa stage sa ginpatigayon nga Gala 2024 it sangka TV network.
Ginpabangdan imaw it ibang bashers nga base ginhungod nana ro pagkadusmo para umagaw it eksena. Ginpakita ni Budol ro video kon paano nana gindaeagan nga nakasiki ro pag-adto sa karelasyon ni Jak Roberto para maabutan raya sa building it TV network.
Nakibot pa si Barbie kat makit-an raya nga nakasiki apang paathag kara nga naka-heels sigon imaw ag para personal raya nga mapasaeamatan. Ginhakos ni Barbie kat makit-an ro nadaphag nga actress-host.
Madumduman nga gilayong ginrescue ni Barbie si Herlene kat sumubsob raya samtang nagarampa sa stage sa nasambit nga Gala.
Uwa sigon it ideya si Herlene kon sin-o ro mga nagbulig kana ag nasayuran eon lang nana kat gin-tag imaw sa mga video kon sa siin nagdaeagan ro aktres maskin nga nalisdan sa anang gown.
