Ginpunterya it Estados Unidos ro tatlong oil tanker nga ginaangot sa Islamic Revolutionary Guard Corps ukon IRGC it Iran, matapos sigon nga magpaeopok ro Iranian forces kontra sa mga barkong pang gyera it Amerika.
Suno sa United States Central Command ukon CENTCOM, permanenteng inde eon magamit ro daywang crude oil carrier nga M/T Downy ag M/T Stark 1.
Tinamaan ro unang barko sa kaeawran maeapit sa Kharg Island samtang ro ikaywa hay maeapit sa Jask.
Samtang, daeayon nga ginwasak it mga puwersang Amerikano ro M/T Kylo, sangka uwa it sueod nga crude oil tanker nga makit-an sa Gulf of Oman.
Pilang kritikal nga parte it barko ro ginpunterya agud daeayon raya nga mawad-an it ikasarang nga mag-eayag matapos manduan ro mga tripulante nga layasan ro barko.
Suno sa CENTCOM, ginhimo ro mga pag-atake kasunod it mga napas-eawang pag-atake it Iran kontra sa mga barkong pang gyera it Estados Unidos.
