KALIBO, Aklan—Humakot it nagkaeain-eain nga reaksyon ro naging pahayag it dating pangueo it America nga si Donald Trump sa anang pagpadaeagan sa 2024 presidential election.
Raya ro ginpahayag ni Bombo International Correspondent Gary Boyd it Las Vegas, Nevada.
Suno kana nga maabu nga mga republicans ro pabor sa anang kandidatura bangud nga maabu raya nga inobrahan sa sueod it anang sang termino eabi eon ro paghimo sa US bilang energy independent, apang may una man nga owa eon naila ag gustong itau eon ro posisyon sa ibang kandidato partikular si Florida Governor Ron de Santis.
Sa makaron hay owa pa it pormal nga pahayag ro kampo ni de Santis kon magapadaeagan sa nasambit nga posisyon.
Nasayuran nga antes ro anunsyo it 76 anyos nga si Trump sa publiko, nagdihon eon imaw it mga pormal ag opisyal nga papeles para sa anang kandidatura, kun sa siin uman raya nga magapadaeagan sa parte it Republicans.
Madumduman nga ko 2020 election hay ginpierde imaw it Democrat nga si US president Joe Biden.
