KALIBO, Aklan—Nakalista it ikaywang kumpirmadong kaso it Coronavirus Disease 2019 ukon COVID-19 ro banwa it Batan.
Raya hay ginkumpirma mismo it Batan Rural Health Unit (RHU).
Base sa official statement, ro pasyente hay si WV 6,264 hay sangka 48-anyos nga babayeng Returning Overseas Filipino (ROF) halin sa United Arab Emirates (UAE) nga nag-abot sa nasyon ko Hulyo 31, 2020.
Ginbue-an raya it swab specimen sample kamana man nga ginpaidaeom sa hotel quarantine halin Hulyo 31 hasta Agosto 19, 2020.
Ginapahayag nga ro pasyente hay nag-abot sa probinsya it Aklan ko Agosto 21 sakay it sangka sweeper flight sa probinsya it Ilo-ilo nga may una nga recovered status confirmed case kung siin pag-abot nana sa probinsya hay nagpaidaeom sa strict home quarantine ag nagapabilin nga owa nagapakita it anomang sintomas it sakit.
Ginklaro man nga ro natungdan nga pasyente hay ginakabig nga “recovered confirmed case”.
