Imbestigasyon sa manugturo  nga ginreklamo n it verbal abuse sa Camarines Norte,  ginaeauman nga paga-umpisahan sa Huwebes it DepEd

NATIONAL News —- Ginaeauman nga paga-umpisahan eon it  Department of Education makaron nga adlaw it Huwebes ro imbestigasyon sa manugturo nga ginreklamo it verbal abuse sa Camarines Norte.

Suno kay  DepEd spokesperson Atty. Michael Poa nga klaru nga makabig  nga  misconduct ro gin-obra it manugturo sa anang estudyante, apang kinahangean nga mabatian man anay ro anang pagpaathag.

Posibleng madismiss sigon sa serbisyo engkaso nga mapamatud-an nga nagkasaea.

Dugang pa ni Poa nga makabig raya nga  isolated incident.

Angot kara,  ginlaygayan nana ro mga ginikanan nga  indi magduha-duha nga magsugid sa  DepEd kun maka-experiensiya it pagpang-abuso ro andang mga unga eabi eon sa andang  Child Protection Unit.