BORACAY ISLAND — Naga-abot sa P67,500 ro inisyal nga danyos sa pagkasunog it lima tanan nga mga baeay nga nag-eontad sa Sitio Tambisaan, Brgy. Manocmanoc sa Isla it Boracay, bandang alas-3:00 it hapon it Huwebes, Enero 22, 2026.
Suno kay FO2 Ma. Fe Señeres it Bureau of Fire Protection (BFP) Malay nga nagapadayun pa ro andang imbestigasyon sa ginhalinan it kaeayo nga nagresulta sa eubusan nga pagka-ugdaw it sangka baeay ag ap-at nga iba pa ro partially burned nga puro himo sa mixed materials.
Mabahoe man ro andang pagpasaeamat sa mga residente nga nagbulig pinaagi sa bucket brigade rason nga owa eon masyadong nagkalhit ro kaeayo .
Haeos 45 minutos man sigon ro andang ginpatigayon nga fire fighting antes eubusan nga gindeklara ro fire out bandang alas-3:45 it hapon.
Owa man it nailistang namatay ukon naninahan sa insidente.
Raya eon ro ika-tatlo nga insidente it sunog nga nailista sa Boracay makaron nga dag-on.
