TORONTO, Canada – Eubos nga maapektuhan ro mga international student sa Toronto it bag-ong federal rule nga nagahambae nga mahimo eamang nga magtrabaho it 24 oras sa sueod it sang dominggo sa guwa it kampus sa Canada, suno sa mga estudyante ag advocates.
Ro bag-ong laye hay magiging epektibo makaron nga buean.
Ginhambae ni Immigration Minister Marc Miller nga ro bag-ong cap hay makasigurado nga ro international students hay makapokus sa andang pagtuon, samtang nga nagatrabaho.
Apang suno kay Neeva Phatarphekar, sangka international student sa Toronto nga nagatrabaho it 40 oras sa sueod it sang dominggo nga ro new cap hay magiging malisod ag stressful’ sa mataas nga cost of living sa Toronto.
Malisod sigon para sa international students nga masabat ro andang mga gaeastuson.
