Nagbutang it mga kondisyon ro Iran bago eon buksan uman ro Strait of Hormuz, eakip ro kompensasyon para sa mga danyos nga resulta it gera.
Suno sa Iranian Foreign Minister Abbas Araghchi, nagapaagto eon sa katapusan nga bahin ro pag-istoryahanon nanda it Oman parte sa transit ag pagdumaea it Strait of Hormuz.
Pero kinahangean anay matuman ro iba pa nga kondisyon sangka pag-abri it estratehikong aeagyang-dagat.
Eakip sa mga ginapangayo it Iran ro pagtapos it gera ag pag-atake kontra sa Iran ag mga kaalyado kara, pag-untat it US naval blockade, pagtangtang it sanctions, pagpaguwa it frozen assets ag pagbayad it danyos nga resulta it gera.
Samtang, ginpahayag it Iran’s Revolutionary Guards nga ro pag-abri it Strait of Hormuz hay bukon it konektado sa negosasyon sa Oman ag kinahangean nga batunon anay it pihak ro mga kondisyon it Iran.
