Uman nga ginbomba it Israeli forces ro Rafah city sa katimugang bahin it Gaza nga pumatay sa 45 ka mga Palestino.
Suno sa Israeli Defense Forces, nagpatigayon ro andang mga soldado it ‘precise, intelligence-based’ actions kon sa siin nadiskubre ro mga tunnel nga posibleng kuta it militanteng Hamas sa Rafah.
Apang, suno sa pilang mga residente, nagaguwa nga ginahana it Israel forces nga eubusang makubkob ro Rafah nga may border sa Egypt ag naging sentro eon it pag-atake it Israel halin pa ko unang dominggo it Mayo it presenteng dag-on.
Ginapwersa man nga masueod it mga tangke it Israel ro kanluran ag hilagang parte it Rafah kon sa siin nakubkob eon ro nasidlangan, timog ag tunga nga parte it siyudad.
Base sa Gaza Health Ministry, kapin sa 25 ka mga Palestino ro namatay sa Mawasi sa western Rafah samtang 50 katawo ro naninahan nga suno sa mga Palestino hay resulta it pagtama it tank shell sa sangka tent nga nakahamtangan it mga pamilyang na-displace bangud sa giyera.
