Ginpiyerdi it Japan ro four-time world cup winner nga Germany sa andan nga opening match sa nagapadayon nga FIFA world cup 2022.
Gindugangan it Japan ro listahan it pinakamabahoe nga World Cup upset makaron nga dag-on pinaagi sa pagpiyerdi sa four-time World Champions nga Germany sa score nga 2-1.
Una kara nga nakapasueod it score ro Germany sa ika-33rd minutos it hampang pinaagi sa penalty kick ni İlkay Gündoğan.
Gin-dominar it team aro mabahoe nga tyempo sa match ag may tyansa nga magapatigayon kungta it extension matapos nga 15-minutos antes nga matapos ro hampang hay nakagoal si Ritsu Dōan para sa 1st goal it Japan.
Apang owa eon ginpaeagpas pa it Japan ro kahigayunan tag mataw-an sanda it tyansa nga maka-goal.
Sa ika-83 nga minuto it hampang ukon siyam ka minutos antes magtapos ro match, gindugangan ni Takuma Asano ro goal para sa nasoyn nga nagkibot sa World Cup fans
Tanan nga tumaean-aw eabi eon ro mga Japanese fans hay nagkinasadya hasta sa final minutes it game bangud sa nasaksihan nga upset nga ginapahayag kapareho man sa natabo sa hampang it Argentina ag Kingdom of Saudi Arabia ku nagtaliwan nga Martes it gabi-e .
Madumduman nga ro Germany ro kampyeon sa World Cup ko dag-on 2014, apang owa raya naka-eusot sa group stage ko 2018 World Cup sa Russia — ro andang earliest World Cup exit halin ko 1938
