KALIBO, Aklan–Nagakalipay makaron ro bilog nga nasyon it Japan matapos nga patumbahon ni Japanese boxer Naoya Inoue si Filipino flash Nonito Donaire Jr. sa andang rematch para sa unified bantamweight title.
Suno kay Bombo International Correspondent Johnny Sato Gallos nga naging agresibo si Inoue pinaagi sa sunod-sunod kara nga pag-atake kay Donaire rason nga sa unang round pa eamang hay natumba eon raya.
Owa pa nakuntento si Inoue bangud pag-abot it round 2 hay sigidas gihapon ro anang pagpa-uean it inumok rason para eubusang ma-knockout si Donaire ag pundohon eon it referee ro hampang.
Madumduman nga kat magsambuwa ro daywang ko 2019 hay nag-abot sa 12 round ro hampang ag nabuoe it Japanese boxer ro unanimous decision kontra kay Donaire.
Si Inoue hay may una eon nga record nga 23 nga daog, owa pa it piyerdi ag may 20 nga knockouts kung siin napabilin kara ro anang IBF ag WBA super bantamweight titles kamana man nga nabuoe ro WBC belt halin kay Donairenga may record nga 42 daog, pitong piyerdi ag 28 knockouts.
