Gina-aku it mga katapu it mga kapulisan it Japan’s National Police Agency ro kakueangan may kaangtanan sa pag-assassinate kay dating Prime Minister Shinzo Abe ko nagtaliwan nga Hulyo 8 sa Nara City sa bahin it Western Japan.
Suno kay Bombo International Correspondet Josel Palma it Japan nga magaresign si Itaru Nakamura sa pagiging Chief of Police bangud gina-aku kara ro mga lapses ukon kakueangan sa andang ginserbisyo nga seguridad sa dating Prime Minister.
Suno sa mga security expert it Japan nga kung naging klaro ro pagplastar it security plan it mga police may posibilidad nga naeuwas pa it mga security duties si Abe bangud may kapin sa 2.5 seconds pa ro maghalin sa unang pagpaeupok sa pangaywang pagpaeupok it suspek bangud owa sigon natigayon nga naigo si Abe sa nasambit nga unang pagbaril.
Kasunod man it pag-anunsiyo ni Nakamura sa anang pagpanaog sa pwesto ro pagpahayag kara nga kinahangean eon nga magbaeay it bag-ong security plan para sa security and protection measures sa nasyon.
Kung siin ro Japan government hay nagbilog it sangka team para magahimu it preventive steps angot kara.
Sa pihak nga parte, sa makaron ro suspek nga si Yamagami hay nagapaidaeom sa psychiatric evaluation ag nakadepende sa maging resulta kara kung siin engkaso nga makitaan nga may masakit sa paminsaron ro suspek hay may posibilidad nga maganaba kara ro igasentensya ukon indi eon pagpasakaan it kaso.
Apang magapangatubang man sa kasong murder nga may nagakaigo nga penalidad nga kamatayon kung mapamatud-an nga raya hay normal ukon owa it ginabatyag nga baeatian sa pinu-ino.
