KALIBO, Aklan—Naga-abot eon sa P1,494,162,900 ro balor it kahalitan nga gin-aywan it El Niño phenomenon sa Western Visayas as of May 6, 2024.
Raya hay base sa report it Regional Disaster Risk Reduction and Management Council (RDRRMC) Region 6.
Sa nasambit nga report, pinaka-apektado it El Niño ro Iloilo nga naga-abot sa P857,007,947; Antique nga may P210,835,048; Capiz nga may una nga P203,493,322; Negros Occidental nga may P117,485,448; Guimaras nga may P69,261,205; ag Aklan nga nakalista it P36,079,930.
Sa makaron, nakapanupod eon ro Department of Social Welfare and Development (DSWD) Field Office 6 it assistance sa probinsya it Aklan, Antique, Iloilo, ag Negros Occidental.
Naga-abot man sa masobra P57 million nga balor it assistance ro napanupod eon sa ap-at nga mga probinsya nga ginaeakipan it family food packs, financial, food ag non-food items.
Naga-abot mat-a sa kapin sa 40,000 nga mga mangunguma ro naapektuhan ro pangabuhian samtang masobra 30,000 nga ektarya man it mga pananum ro nahalitan.
