Pagpaathag ni Fr. Tudd Sazon Belandres, Parish Moderator it St. John the Baptist Cathedral nga mas maintindihan gid ro kahueogan it paskwa kung liturgically hay ginasunod raya.
Pahayag ni Fr. Belandres nga gapreparar sanda sa advent season bago pa magselebrar it paskwa.
Ro paskwa sigon hay ro pag-abot it unga ku Diyos ukon mas kilaea bilang the only begotten.
Mag-eowas sigon sa paghanda sa selebrasyon it paskwa hay kinahang-ean makita man sa pamatasan ku mga tawo ro kahueogan it raya nga selebrasyon kapareho it pagpaeambo it gugma, pagka-mainubuson ag katawhayan.
Pero kabaliktaran sigon ro nagakatabo makaron kung siin waea-tuo ro gyera, dumot ag mga negatibong gakatabo.
Pagsaysay nana nga nagpanaog si Jesus sa kalibutan bangud gusto nana nga matun-an ro mga tawo parte sa mga gusto ag manami nga uebrahon it Diyos.
Ginpaathag pa nana nga bukon eamang it para sa mga unga raya kundi para sa tanan bangud nga tanan nga tawo hay unga it Diyos.
Dugang pa ni Fr. Tudd hay maga-umpisa ro simbang gabi it 4 am sa Disyembre 16, may nobena man nga Disyembre 15 bangud sa kaabuon it tawo ag agud maakomodar sanda.
Tanan man sigon nga mga chapels sa mga barangay hay magahimo it simbang gabi.
Dugang pa ni Fr. Belandres ipasaDiyos gid tanan bangud nga imaw gid ro hari ag sandig raya sa gugma, pagpatawad ag maabong iba pa.
