KALIBO, Aklan—Bukon eamang it sangka selebrasyon ro pagdumdum sa kamatayon it 19 martires kundi nga pag-dumdum sa kaisog it mga Akeanon nga nakipagsukoe ag nagbuwis it kabuhi para sa kahilwayan it nasyon.
Raya ro ginpahayag ni Atty Plaridel Morania, sangka batikang abogado sa Aklan.
Suno kana nga natabu raya ko tiempo it philippine revolution ag gusto nga sakupon it mga mapintas nga Espanyol ro Pilipinas.
Sekretato sigon nga nagtukod it movement ukon chapter it katipunan sa Visayas ro 19 martires sa pagpanguna ni Francisco del Castillo ag Candido Iban.
Nabulgar eamang sigon ro andang movement matapos nga sangka akeanon man ro nagtraidor ag nagsugid sa mga Espanyol.
Bangud kara, ginbantayan sanda ag ko ulihi hay ginpamatay.
Samtang, gin engganyo ni Atty. Morania ro mga pamatan-on nga indi eamang pag-uyangan ro andang oras ag kaaeam sa pagtutok sa social media ag maghimo ukon basta-basta nga magpati sa mga fake news nga naging rason sigon makaron it pagkawatak-watak it mga Filipino sa baylo hay ihaead ro andang kabuhi para sa kamaeayran it Pilipinas.
Agud nga dumdumon ro anibersaryo it pagkamatay it 19 nga martir it Aklan, kada ika-23 it Marso it kada dag-on hay gindeklarang sangka special public holiday sa bilog nga probinsiya it Aklan.
