KALIBO, Aklan—Nagaeaum ro Kalibo Consumers Association nga makabilog man it ordinansa ro sangguniang panlalawigan angot sa pagduea sa “no pay, no open” policy it mga courier.
Suno kay Ramil Buncalan, presidente it nasambit nga asosasyon nga tuyo kara nga maprotektahan ro mga konsumidor kontra sa mga scammers ag bogus nga online sellers.
Makabig sigon nga anti consumer ro nasambit nga patakaran.
Kasunod it mga nabaton nga reklamo halin sa mga consumers nga mahilig mag order sa online platforms hay nagdangop sanda sa provincial board para sa insigidang aksyon.
Nasayuran nga may kapareho nga patakaran kara ro probinsiya it Iloilo.
Pinaagi kara hay makaangkon sigon it kinamatarung ro mga consumers nga mausisa anay ro sueod it gin deliver nga parcel bangud nga raya hay cash on delivery.
