Kalibo SB member Tolentino, plano nga maghimo it ‘resolution of support’ sa Expanded Solo Parents Act

KALIBO, Aklan–Plano makaron ni Kalibo Sangguniang Bayan member Augusto Tolentino nga maghimo it ‘resolution of support’ sa Republic Act 11861 ukon Expanded Solo Parents Act.

Suno kay Tolentino, mabahoe raya nga ginhawa para sa mga ginikanan nga solohanon nga nagataguyod sa andang mga unga.

Ro ceremonial signing it Implementing Rules and Regulation (IRR) it nasambit nga laye hay ginpatigayun ko Setyembre 29, 2022.

Nakabaehag kara ro pagtao it 15 porsyento nga diskwento sa mga school supplies; 20 porsyento nga diskwento sa hospital bill; 20 porsyento nga diskwento sa mga amusement theme ag nagatao it exemption sa andang mga unga sa pagbayad it VAT.