Nakakaintrigang balita ro kumibot sa mga netizen sa ginpaguwa nga balita it sangka Brazilian news outlet.
Ro bag-ong unga nga kambal it sangka 19-anyos nga babaye hay may magkaibang ama.
Suno sa dalagang ina nga owa eon ginpangaeanan , nakumpirma nana raya kat makaangkon imaw it espekulasyon sa kun sin-o ro ama it anang kambal.
Pinaagi sa paternity test it sambilog sa mga ginadudahan nga ama, nasayuran nga sambilog eamang sa kambal ro anang unga.
Bangud kara hay gintawagan man it babaye ro sambilog pang eaeaki nga ginadudahan man nana nga ama it sambilog sa kambal ag pinaagi sa DNA test hay idtu nakumpirmang ana man ro sambilog sa kambal.
Maskin nga matsa imposibleng magkaiba ro ama it kambal, ginkumpirma it attending physician kara nga si Dr. Tulio Jorge Franco nga ro natabu hay ginatawag nga “heteropaternal superfecundation”, sangka rare condition apang posible.
Ro pagnabdos sigon kara hay natabu kat ro daywang itlog halin sa kaparehong babaye hay na-fertilized it magkaibang eaeaki.
Sa raya nga kaso, ro genetic material it ginikanan hay magkaiba ag ro itlog it nanay hay magkaiba man.
Parehong nag develop ro babies sa sangka pagnabdos eamang apang ro kada isaea hay may kaugalingon nga placenta.
Raya hay ika-20 nga kaso pa eamang nga nailista sa bilog nga kalibutan.
Sa pagbulgar it dawagang ina, nakipag-sex gali imaw sa daywang eaeaki sa kaparehong adlaw.
