KALIBO, Aklan – – – Nagpabutyag it excitement ro 22 year old nga Cebuana beauty queen nga pambato it Pilipinas sa Miss Asia Pacific International para sa evening gown competition hindunang gabie sa Movenpick Resort & Spa Boracay.
Base sa anang Instagram post, gin pakigbahin ni Ilene Astrid de Vera nga sambilog ro long gown competition sa mga paborito karang pre-pageant activities.
Indi eon sigon imaw makahueat nga makitang nakasuksok it kanya-kanyang gown ro 42 candidates.
Samtang, nagpasaeamat man ro 5”9′ feet tall beauty queen sa mainit nga pagsugaeaw kanda kahapon sa Boracay.
Sa pihak sigon it mahabang biyahe, nasulit sigon raya matapos nga mabighani sa kanami it isla.
Nasayuran nga nauna eon nga nakabaton it special awards sa daywang categories bilang 2nd runner up sa Best in Swimsuit ag Best in Festival Costume awards ro beauty queen.
Si de Vera hay Mass Communication graduate it University of the Philippines Cebu ag presenteng Marketing Officer ag fashion model.
Ro Miss Asia Pacific International 2017 pageant hay nakataeanang ipatigayun sa November 29 sa Newport Performing Arts Theater of Resorts World Manila.
