KALIBO, Aklan—Naapektuhan ro kapin sa 2,000 square meters nga eugta matapos ro nag-eontad nga grassfire bandang alas-11:30 gabi-i it Biyernes sa Barangay Jawili sa banwa it Tangalan.
Suno kay FO1 Quivez it Bureau of Fire Protection ukon BFP Tangalan nga haeos ap-at nga oras ro andang pagtinguha nga matapna ro pagkasunog it mga ea-ay nga cogon kun sa siin hugut nanda nga ginbantayan ro lugar agud nga malikawan nga magtapik ro kaeayo sa kaiping nga lugar nga puro uga ro palibot tuga it mainit nga tiempo .
Gindeklara ro fire out bandang alas-3:30 it aga-aga.
Sa mayad nga swerte ag maeayo ro mga kabaeayan sa nasambit nga lugar.
Owa it casualties nga nailista sa insidente.
Raya eon ro ika-an-um nga beses nga may nailistang insidente it sunog sa banwa it Tangalan umpisa enero hasta makaron.
Nagapadayun pa ro imbestigasyon sa gintunaan it pinaka ulihi nga kaso it grassfire sa lugar.
