Kapin sa 33 katawo kaibahan ro pilang election officials nga naka-duty ro ginapatihan nga na-heatstroke tuga it heatwave nga nagpanaeasa sa mga estado it Bihar, Uttar Pradesh ag Odisha sa India.
Ro India hay nakaeksperyensya it tuman kainit it panyempo kon sa siin nailista ro temperaturang 52.9 degrees Celsius sa New Delhi.
Maskin ginaeauman nga maganaba ro temperatura sa northwestern ag central India sa mga masunod nga dominggo, posibleng magpadayon pa ro heatwave sa east India sa masunod nga daywang adlaw suno sa India Meteorological Department (IMD).
Kapin sa 14 katawo ro namatay sa Bihar kaeakip ro napueong katawo nga kaibahan sa pag-organisa it seven-phase national elections.
Kaeabanan sa election officials hay masaming nakatindog maghapon sa andang duty ag maabo sa mga raya hay una sa guwa.
