KALIBO, Aklan—Nag-abot sa kapin sa 80 nga mga classrooms ro naguba matapos nga magpanaeasa ro bagyo Kristine sa nasyon.
Base sa initial nga datos it Department of Education (DepEd) 6, naga-abot sa 79 nga mga classrooms sa nagkaeain-eain nga mga probinsya sa rehiyon ro nahalitan it bagyo, as of October 25, 2024.
Sa nasambit nga numero, 15 kara ro totally damaged classrooms, 5 ro may major damage, ag 59 ro may minor damage.
Kaabuan sa mga naguba nga classrooms hay na-record sa Negros Occidental kun sa siin 19 ro may minor damage, 2 ro may major damage, ag 8 ro totally damaged.
Ginsundan raya it Himamaylan City nga may 10 nga mga classrooms nga may minor damage, 2 ro may major damage, ag 5 ro totally damaged.
Samtang ika-tatlo sa may pinakamaabu nga naguba nga classrooms ro Iloilo kun sa siin 14 ro may minor damage, 1 ro may major damage, ag 1 man ro totally damaged classroom.
