KALIBO, Aklan—Naglobo ro kaso it dengue sa probinsya it Aklan kun siin nakalista it 1,320 nga kaso halin July 28-August 3, 2024.
Ginatan-aw nga rainy season ro sambilog sa mga rason kon ham-an it nauso eon man ro nasambit nga masakit.
Nagapanguna sa gihapon ro banwa Malay nga nakalista it kaso nga 239; Kalibo nga may 217 cases ag Nabas nga nagaabot sa 105 cases.
Makaalarma ro nasambitan nga numero bangud nga an-om nga rehiyon sa bilog nga Pilipinas ro apektado ag punuan man ro tanan nga ospital bangud sa dengue.
Paathag ni Dr. Rodney Valencia, sangka pulmonologist nga daea raya it Aedes Aegypti mosquito nga day-biting ag may una nga incubation period nga 3-7 days.
Suno kana nga uwa raya it ginapili nga edad ukon blood type apang mas prone ag delikado sa mga inunga ukon magueang nga may mahina nga immune system ag may mga commorbidities.
Pangunang sintomas man gihapon ro eagnat ag paeanakit it eaws, rashes ag headache.
May una man sigon nga 4 types if dengue kun siin ro Type 2 hay mahimo magbleeding ro pasyente apang raya hay malisod man sigon matumod.
Pagklaro ni Dr. Valencia nga ginasuka anay it eamok ro unang dugo nga anang ginsuyop antes magsuyop it uman sa anang masunod nga biktima.
Apang, ro nasambitan nga masakit hay bukon it makataeapon kundi kinahang-ean nga angkiton anay it eamok antes magkadengue.
Ginlaygay kara nga i-apply ro 5s ; search and destroy, self-protection measures, seeking early consultation, saying yes to fogging, ag starting and sustaining hydration agud nga makalikaw sa eamok nga nagadaea it sakit nga dengue.
