Ginbasura it Office of the Ombudsman ro kasong ginpasaka kontra kay DPWH Secretary Vince Dizon angot it konstruksyon it mga pasilidad para sa 2019 Southeast Asian (SEA) Games bangud sa kakueangan it ebidensya.
Nakabutang sa joint resolution nga ginpaguwa ku Disyembre 2021 ro pagbasura sa kaso.
Gumuwa raya kadungan it uman nga imbestigasyon it National Bureau of Investigation (NBI) sa bidding sigon ag funding anomalies sa pilang proyekto it 2019 SEA Games, kaibahan ro New Clark City Sports Complex, base sa mga bag-ong impormasyon.
Nauna eon nga ginklaro it Malacañang nga naabswelto eon si Dizon sa naunang imbestigasyon, samtang ginpamilit it Department of Justice (DOJ) nga ginarespeto kara ro operational independence it NBI sa pagpadayon it imbestigasyon.
