Mahugot nga ginpamalibaran ni Atty. Nicholas Kaufman, lead defense counsel ni dating Pangueong Rodrigo Duterte sa International Criminal Court (ICC), ro mga puna kontra sa kana angot it pageabag sigon sa ethical standards it korte.
Sa anang pahayag, ginpamilit ni Kaufman nga uwa imaw it ginkontra nga ethical obligations sa ICC.
Suno kana, ro mga kritisismo ni ICC Presiding Judge Joanna Korner hay bukon indikasyon it pageabag, kundi parte eamang it ginatawag nana nga “judicial sensitivity.”
Nauna eon nga ginhambae ni Judge Korner nga ro pagbista kay Duterte hay indi dapat disideran sa “court of public opinion.”
Gintawag man nana nga “inappropriate” ro mga naunang pahayag ni Kaufman sa media.
Apang, ginpunto it abogado nga ro tanan nga anang naging aksyon hay mahugot nga nakabase sa ICC code of conduct, ag uwa imaw it gineabag nga sueundanan sa anang obligasyon bilang counsel.
