Ginpakigbahin it aktres nga si Kaye Abad nga na-diagnose imaw nga may breast cancer ko 2025.
Bilang kaparte it anang birthday celebration, ginpaguwa ni Kaye ro emotional vlog nga nagadokumento it anang pakikipagsukoe sa cancer.
Suno kana, nag-umpisa ro anang health concerns ko 2024 kat makabatyag imaw it mabuhay nga pagpaeanakit it tiyan. Nagpaidaeum imaw sa mammogram ko January 2025 bangud sa anang edad ag pagkatapos hay nagpaidaeum sa gallbladder stone removal surgery.
May nakit-an man nga cyst sa anang ovary kat ginpatigayon ro ultrasound.
Kaibahan ro anang asawa nga si Paul Jake Castillo, nagpaidaeum imaw sa serye it tests sa ospital sa Cebu ag nakitaan it sintomas nga na-angot sa breast cancer.
Nag-agto sanda sa Singapore para sa test ag procedures.
Pagkataliwan it sang dag-on, ginkumpirma it anang mga doctor nga owa eon imaw it cancer.
Pahayag nana nga owa gid naduea ro anang pagsalig sa Ginoo sa tanan nana nga inagyan.
Makaron nga buean it Marso, na-isolate imaw bangud sa viral herpangina nga kapareho sa hand, foot and mouth disease. Sa pihak kara, nag-agto imaw sa Iloilo para sa “Babayinhan: Women’s Health Conference 2026” sa he Medical City (TMC).
