NATIONAL News —- Ginpirmahan ni President Rodrigo Duterte ro laye nga nagapataas sa “age of sexual consent” sa nasyon halin sa 12 anyos paagto sa 16.
Tuyo it pag-adjust it edad nga makapasaka it “statutory rape” sa Pilipinas ag maprotektahan ro mga inunga kontra sa pagpang-abusong sekswal.
Sa makaron hay 12-anyos ro “age of sexual consent” sa nasyon, ro ikaywang pinakamanabang edad sa pag-determine it statutory rape sa kalibutan.
Makaron nga eubusan eon raya nga naging laye, makabig nga “statutory rape” ro pakikipaghieawas sa 16-anyos panaba maskin nga may pagpasugot (consent) sa parte it unga.
Sa idaeum it Article 337 it Revised Penal Code, “qualified seduction” eamang ro pwedeng ikaso kon nakipaghieawas sa edad 12-17 anyos kon ro naghimo kara hay sangka “otoridad, pari, home-servant, domestic, guardian, manugturo ukon sin-o man , sa anumang kapasidad.
