-- ADVERTISEMENT --
KALIBO, Aklan–Nagapati ro sangka public health expert nga bukon pa it tyempo para ubrahon nga legal ro paggamit it marijuana bilang bueong sa pilang baeatian.
Suno kay Dr. Philip Ian Padilla nga kueang pa ro datus para pamatud-an ro pagiging epektibo it marijuana sa medical used.
Dapat sigon nga matumod anay kung ano nga klase it paggamit sa pagbueong ag anong klase it sakit ro pagagamitan kara.
Dapat sigon nga usisaon anay it mayad it kongreso ag senado ro kada detalye antes raya iduso.
Nagakadapat suno kana nga mag-agi sa clinical trial it marijuana para matumod kung raya hay pwedeng gamiton sa pagbueong sa pilang baeatian ag kung paano raya makabulig sa pasyente.
-- ADVERTISEMENT --
Sa makaron, owa pa it mabakod nga datus angot kara.
