HEALTH News — Maabu nga benepisyong mabo-oe sa pag inom it lemon water bangud sa gina angkon kara nga pinaka mataas nga content it vitamin C ag minerals.
Nakakabulig man raya sa atong mga muscles nga nagahina ag nagaoy bangud sa gina angkon kara nga potassium ag calcium.
Kaibahan sa masarangan kara nga kontrolon hay ro UTI ag kidney stones.
Nakakabulig agud nga mapanami ro daeagan ukon pitik it atong mga tagipusuon .
Weight Loss ukon pagpaniwang ; strong immunity bangud nga may una raya nga anti-oxidant nga nagapabaskog it eawas it tawo ag nagapanami man it kutis ukon panit, mahayag nga mata ag iba pa .
Apang ginapadumdum it mga eksperto nga dapat hay limitado ukon bukon it sobra ro pag-inom kara bangud posibleng maging rason it pag-sakit it tiyan ukon hyperacidity; makasamad it ngipon , makaangkon it pag-ngilo ukon erosion of teeth.
Pwedeng maggamit it pitsel ag ibutang eamang ro katunga hasta bilog nga lemon ag mas mayad kon haluan it honey, pipino, euy-a ukon mint leaves ag dayun nga imnon pagkatapos magkaon agud nga indi magsakit ro tiyan ag indi makaangkon it diperensya sa eawas .
