Naging finalist for national awardee ro lokal nga gobyerno it Kalibo kasunod sa pagiging national passer sa Seal of Good Local Government ukon SGLG for the period from July 1, 2019- June 30, 2022.
Suno kay Sangguniang Bayan Secretary Diane Figarido, raya hay dungog ag balor para sa banwa it Kalibo bangud nga nagapakita eamang raya it maayos ag mayad nga pagpanerbisyo it mga empleyado ag lokal officials it LGU sa mga constituent it banwa.
Resulta sigon raya it pagbueoligan it tanan kon siin nakit-an ro hantop nga pagpanerbisyo it mga opisyales sa mga tawo.
Ginpaathag ni Figarido nga nag-agi sa proseso ro tanan bago naangkon it LGU ro SGLG kon siin pila sa mga gin-evaluate it mga evaluators hay ro mga social projects nga ginaimplement, economic policies nga gina execute ag sa environment.
Ro SGLG hay mabuhay eon nga programa it Department of the Interior and Local Government ukon DILG para makit-an ro innovation it sangka LGU’s kamana man para engganyuhon ro mga raya nga maghimo it tikang para sa ikaumwad it banwa.
