KALIBO, Aklan—Gin-insister ni Executive Assistant to the Mayor Mr. Basil Tabernilla nga padayun ro paghimo it pamaagi ni Kalibo Mayor Emerson Lachica agud nga makaangkon it dugang nga suplay it bakuna.
Suno kay Tabernilla nga nagatinguha ro alkalde nga madugangan ro alokasyong bakuna it banwa para makaangkon it bastanteng suplay ag mabakunahan ro mayorya it mga Kalibonhon.
Sa kamatuoran suno kana hay gina-gamit eon it alkalde ro relasyon kara sa mga ‘sister city’ sa ibang nasyon.
Nagapabilin sigon nga prayoridad it lokal nga gobyerno ro kaeuwasan it kada pumueoyo sa andang nasakupan para mataw-an it dugang nga proteksyon kontra sa virus.
Kadungan kara, nag-apela man si Tabernilla sa publiko nga indi gihapon maging kampante maskin nakaangkon eon it pagnaba sa mga nailistang kaso kada adlaw kamana man nga maging vigilante ag padayun nga magsunod sa health and safety protocols para makalikaw sa COVID-19.
