Ro pagkabiling ukon (cramps) hay ro gulping pagtig-a it muscle it atong eawas.
Kaeabanan nga rason kara hay ro pagka-gaoy it muscle, dehydration ag muscle strain.
Kon amat, nagaka-igpit ro nerve sa balikawang ukon pirmeng naka-igpit sa sangka puwesto it mabuhay.
Kon kueang sa mineral ro eawas, kapareho it manaba sa potassium, calcium, ag magnesium, puwede man nga bilingon.
Ro mga tawong pirmeng ginabiling hay ro mga may edad, kueang sa tubi nga gina-inom, nabdos, ag mga may sakit sa diabetes ag thyroid.
Ro First aid sa biling hay ro pagstretch ag pagmasahe sa parte it muscle nga gin biling ukon nagtig-a ag amat amat nga masahihon agud nga ma-relax.
Para sa ginabilin nga siki, ideretso it sangkiri ro siki ag hita.
Kun indi makatindog, magpungko sa saeog ukon bangko kaibahan ro apektadong siki.
Pwede man nga maggamit it hot compress agud nga mabawasan ro sakit it pagkabiling.
Agud nga malikawan, mag-inom it waeo hasta napueo nga basong tubi adlaw adlaw.
Ro kaabuon it gina inom nga tubi hay depende sa mga gina obra , tiempo ag edad.
I-stretch antes ukon pagkatapos nga gamiton ro anumang parte it muscle.
Kun ginabiling sa gabi-i, mag-stretch anay antes nga matueog.
