Nagkalhit ro mga debris it saeaming ag nag-eoparan ro mga bubong it mga edipisyo sa Pohang, South Korea matapos nga tinamaan it bagyong Hinnamnor.
Mag-eowas kara, nag-eotawan ro mga saeakyan ag libo-libong mga residente ro nagbakwit bangud sa mataas nga tubi-baha.
Suno kay Bombo International Correspondent Yumi Kim it Daegu City, tatlo ro napabalitang namatay ag may mga missing pa nga persona matapos nga daeasaon it super typhoon.
Bangud sa nasambit nga bagyo hay suspendido ro klase sa tanan nga lebel sa andang syudad apisar nga uwa masyadong nabatyagan ro bagsik it maeain nga panyempo sa Daegu City.
Madumduman nga ro nasambitang bagyo hay nauna eon nga nag-agi sa Pilipinas bilang supertyphoon kon siin ginpangaeanang bagyong Henry.
Ro bagyong Hinnamnor hay gintawag sa South Korea bilang “one of the most powerful” sa nakataliwan nga mga dekada.
