Ginpasaeamatan ni London Mayor Sadiq Khan ro pilang libong mga nakisimpatiya nga nagbiyahe pa halin sa ibang lugar para magtambong sa eubong ni Queen Elizabeth II.
Mag-euwas kara, eubos man ro pagpasaeamat it alkalde sa tanan nga alagad it laye, emergency service, transportation ag iba pa nga owa it kagayuan nga nagtrabaho para masiguro nga maayos ro eubong.
Matapos ro ginhimo nga commital services ag pagbutang sa ulihing paeahuwayan it monarch queen sa St. George’s Chapel sa Windsor Castle hay temporaryo anay nga nagpanaw ro mga Royal Family.
Bumalik ro pamilya ni King Charles III sa St. George Chapel para idto igapatigayun ro private family service.
Nauna kara, nakaangkon it procession ro bangkay ni Queen Elizabeth II halin sa Westminster Abbey nga gintambungan it kapin sa 2,000 katawo nga kaabuan hay mag lider it nagkaeain-eain nga nasyon.
Mas maabu nga tawo ro nakiparte sa prosesyon sa Wellington Arch paadto it Windsor.
