KALIBO, Aklan—Naghinyo ro Land Transportation Office ukon LTO-Aklan sa andang regional office nga makaangkon it mga breath analyzer units agud nga magamit sa mga motorista nga ginadudahan nga nagamaneho nga una sa impluwensiya it aeak.
Ginpahayag ni Engr Marlon Velez , hepe it LTO-Aklan nga tuyo kara nga matapna ro drunk driving sa probinsiya.
Nataeupangdan sigon nanda ro sunud-sunod nga aksidente sa daeanon nga ro mga eakot hay puro hilong.
Sa idaeum it Anti-Drunk Driving Law ukon RA 10586, may nagakaigo raya nga penalidad nga pagkapresu nga tatlo hasta 20 anyos ag multa nga P20,000 hasta P500,000 pesos.
Mag-eowas kara, may posibilidad pa nga masuspinde ro andang drivers license ukon eubusan raya nga mabawi kon mapamatud-an nga guilty sa pagmaneho it hilong.
Sa kamatuoran suno kana hay may daywa eon nga motorista ro nasampolan kara nga puro taga banwa it Kalibo.
