Nagpatigayon it libreng seminar ro Land Transportation Office ukon LTO Aklan sa mga indibidwa nga gustong magbueo it driver’s license.
Masobra sa sang gatos ro mga partisipante nga ginpatigayon sa municipal building it lokal nga gobyerno it Kalibo.
Ginapahayag nga ro nasambit nga seminar hay haead it LGU sa mga motorista nga uwa pa it lisensya ag gustong maging lehitimo nga driver.
Sa raya nga pamaagi hay nakatipid ro mga raya it masobra sa sang libo.
Nasayuran nga kinahang-ean anay nga magpaidaeom sa seminar agud nga makabueo it certificate bilang sambilog man sa requirements it LTO sa pagbueo it lisensya.
Mataeopangdan ro sigidas nga operasyon it LTO ag Highway Patrol Group ukon HPG sa mga nagapangunang daeanon sa bilog nga probinsya it Aklan.
Tuyo kara nga mataw-an it leksyon ro mga violators nga sigidas gihapon nga nagadaea it andang behikulo maskin nga uwa it lisensya ag rehistro nga ginabuytan ro driver.
