Ginpaathag it pulisya nga makabig nga sangka sugae kon imbolbado ro kwarta eabi eon kon mabahuean ro taya ukon nagapueostaan.
Posible suno kay PCpl. Leonelyn Artes it Aklan Police Provincial Office ukon APPO nga ro mga imbolbado nga indibidwal hay magapangatubang sa pag-eabag sa Presidential Decree 1602 in relation to Republic Act 9287 ukon Illegal Gambling.
Uwa suno kana ginapahanugutan sa laye ro mga makabig nga illegal nga sugae ag kon mamonitor raya it mga otoridad hay insigida nanda nga ginaimbestigahan ag uwa basta-basta nagadakop ro pulisya kon uwa nag-agi sa maid-id nga surveillance kamana man kon uwa it mabaskog nga ebidensya.
Mataeopangdan nga nagapabilin nga kipo ro bibig it mga operator it daywang ka peryahan sa banwa it Kalibo nga ro pila sa andang pahampang hay ginakaimbolbaran it kwarta
