Maeapnagon nga missile ag drone strikes it Russia sa Kyiv, pumatay it 13 katawo

Naglunsar it large-scale missile ag drone strikes ro Russia sa kabisera it Ukraine nga Kyiv nga ginkamatay it indi magnaba sa 13 katawo.

Ginbakwit eon man ro mga residente sa tunga it mga pagpangbomba sa mga istraktura sa kabisera, pilang oras matapos magpaandam si Ukraine President Volodymyr Zelensky nga nagapahaom ro Russia para sa maeapnagon nga pag-atake.

Sa uwa it swerte, kaibahan sa mga nalistang casualties ro mga unga, base sa kumpirmasyon halin kay Tymur Tkachenko, ro head it military administration it Kyiv.

Uman sigon nga ginatarget it kontra ro residential areas ag ginapatay ro mga sibilyan.

Gina-aku man it Russian Ministry of Defense ro pag-target sa energy facilities bilang baeos sigon sa ku kan-o eamang nga strikes it Ukraine.